«ПСЖ» яримҳимоячиси Марко Верратти «Барселона»нинг ёзги трансферлар вақтидаги энг асосий трансфер режаси бўлиб қолмоқда.

El Mundo Deportivo нашри берган хабарга кўра, италиялик футболчининг агенти Донато Ди Кампли икки марта «Камп Ноу»га келган ва кўк-анорранглилар раҳбарияти билан учрашув ўтказган.

Ди Кампли учрашув давомида айнан каталонияликлар футболчини асосий трансфер режаси сифатида кўраётганига ишонч ҳосил қилган. Футболчининг ўзи ҳам агар «ПСЖ»ни тарк этадиган тақдирда фақатгина «Барселона» га ўтишни ва бу карьерасида ўсиш бўлишини билдирган.

Бундан ташқари Верратти «Барса»га ўтган тақдирда жамоада қанча ўйин амалиётига эга бўлишига ҳам қизиққан.