Япониянинг Оита шаҳрида 70 ёшлар атрофидаги кекса аёл бошқарувидаги енгил автомобиль шифохонанинг кириш эшикларини бузиб, 20 метрлар ичкарига кириб кетди. Бу ҳақда ТАСС агентлиги хабар бермоқда. 

Бунинг оқибатида 13 киши турли даражада жароҳат олган, аёл ҳайдовчи ҳам шулар жумласидан. Умуман, хабарларга кўра, воқеа содир бўлган вақтда шифохона биринчи қаватида 50 нафарга яқин киши бўлган. 

Полиция ҳодиса сабабларини ўрганмоқда. Маълум бўлишича, автомобилда ҳайдовчининг имконияти чекланганини англатувчи белги бўлган.