Ўзбекистонлик болалар Каспий денгизининг Туркманистон соҳилида дам олишмоқда

Жамият 16 Май 2017 9897
Фото: ashgabat2017.gov.tm

Ўзбекистонлик болалар гуруҳи Туркманистоннинг “Аваза” Миллий туристик ҳудудига ёзги ҳордиқ учун етиб келди. Бу ҳақда Туркманистон давлат ахборот агентлиги хабар берди.

Ўзбекистон бош вазири ўринбосари – Хотин-қизлар қўмитаси раиси Танзила Нарбоева бошчилигидаги делегация Туркманистон президенти Гурбангули Бердимухамедовнинг таклифига кўра келган. Таклиф Ўзбекистон президенти Шавкат Мирзиёев билан май ойи бошида бўлиб ўтган телефон мулоқотида билдирилганди.

Ахборот агентлигининг таъкидлашича, ўшанда Туркманистон раҳбари Каспий денгизи соҳилидаги болалар соғломлаштириш марказлари, коттеж мажмуалари ва ҳашаматли меҳмонхоналар ўзбекистонлик мактаб ўқувчиларини дам олиш учун қабул қилишга тайёрлигини айтиб ўтган.

Бухоро, Навоий, Хоразм ва Қорақалпоғистон Республикасидан бўлган болалар “Даянч” болалар соғломлаштириш марказида жойлаштирилди. "Аваза" меҳмонлари ҳордиқ чиқариш давомида курорт бўйлаб экскурсиялар, маданий ва спорт тадбирлари, енгил атлетика ва сузиш бўйича мусобақалар, танловлар, адабий кечаларда иштирок этиши мумкин.

Ўзбекистонлик мактаб ўқувчилари "Аваза"да 25 майга қадар бўлишади.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30145 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42374 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158870 Жамият
Кун.uz офис изламоқда
15:48 / 06.08.2017 45035 Lifestyle
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 875 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 465 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 2066 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 188 Спорт
Эрдўған Ғарбнинг Яқин Шарқдаги сиёсатини танқид остига олди
00:02 907 Жаҳон
Кўпроқ янгиликлар