2017 йилнинг 15 май куни соат 08:00 дан 16 май куни соат 08:00 га қадар Тошкент шаҳрида 4 та ёнғин содир бўлди. Бу ҳақда Тошкент шаҳар Ички ишлар бош бошқармаси хабар берди.

Хусусан, 2017 йил 15 май куни соат 12:41 да Чилонзор тумани, Бешқўрғон кўчасида ёнма-ён жойлашган 3 та хонадон 200 кв.м.майдонда ёнган. 15 май куни соат 15:55 да Юнусобод тумани, Минор мавзеси 68-уй орқасида дарахт ёнган.

Бундан ташқари, 2017 йил 15 май куни соат 17:35 да Олмазор тумани, Чимбой даҳаси 1-уй олдидаги жар ёқасидаги 30 кв.метр майдонда чиқинди ёнган. 2017 йил 15 май куни соат 23:41 да Олмазор тумани, Қорақамиш 2/5дахаси, 1-А уй орқасидаги ташландиқ бино ичидаги 5 кв.метр майдонда чиқинди ёнган. Юз берган барча ёнғинлар сабаби аниқланмоқда.