Бармоқлар орқали кайфият ва организмни бошқариш усуллари

Lifestyle 23 Май 2017 18192

Диққат билан қўлингизга қаранг. Нимани кўряпсиз? Рефлексологлар бутун бошли биофаол нуқталарни кўришади. Тадқиқотларга кўра, улар организм ва кайфиятни назорат қилиш имконини беради. AdMe бармоқлар ёрдамида нималарга эришиш мумкинлигига оид мақоласи билан бўлишди.

Бош бармоқ

Катта бармоқ сизнинг барча қарорларингиз учун жавобгар. У хавотир ва бош оғриғи учун масъул. Шунинг учун кайфиятингиз яхши бўлмаса, асабийлашсангиз ва бунинг натижасида бош оғриғини орттирсангиз, бош бармоқни сиқинг, лекин жуда кучли босим билан эмас. Тахминан 5 дақиқага. Рефлексологларнинг сўзларига кўра, бу бош оғриғидан халос бўлишга ёрдам беради.

Кўрсаткич бармоқ

Бу бармоқ мушакдаги оғриқлар, шунингдек хафагарчилик, қўрқув ва хижиллик туйғусини назорат қилади. Миннесота Университети тадқиқот маълумотларига кўра, мушакдаги оғриқлардан азият чеккан беморлар рефлексотерапия сеансларидан кейин аҳволлари яхшиланганини таъкидлашган. Кўрсаткич бармоқни бошқа қўлингиз кафти билан 5 дақиқага сиқиб туринг.

Ўрта бармоқ

Агар ўзингизни одатдагидан кўпроқ чарчагандек ҳис қилсангиз ёки арзимаган нарсаларга жаҳлингиз чиқаверса, ўрта бармоғингизни сиқинг. Тадқиқотлар бундай машқлар қон босимини пасайтириб, инсоннинг ўзини хотиржам ҳис қилишига олиб келишини кўрсатди.

Номсиз бармоқ

Салбий ҳис-туйғулар ва қайғудан номсиз бармоқ ёрдамида халос бўлиш мумкин. Уни 5 дақиқага ўртача босимда сиқинг. Хотиржамликни сақлаш ва нафас олишни назорат қилишни унутманг.

Жимжилоқ

Кичик бармоқ инсоннинг ўзига бўлган ишончи, стресс ва асабийлик учун масъул. Агар сиз ич-этингизни еб, шахсий фазилатларингизга ишончсизлик билан қарасангиз, 5 дақиқалик жимжилоқ машқини бажаришингиз зарур. Бунга параллель равишда ортиқча ўй-хаёлларни миянгиздан чиқариб ташланг ва яхшиликлар ҳақида ўйлашга ҳаракат қилинг.

Кафт

Кафтингиз ўртасини бошқа қўл бармоқлари билан босинг, айланма ҳаракатлар билан уқаланг ва 3 марта чуқур-чуқур нафас олинг. Рефлексологияга кўра, кафт - ҳис-туйғулар маркази. Тадқиқот маълумотларига биноан, кафтни мунтазам уқалаш кўнгил айниши, тушкунлик, диарея ва қабзият билан курашишда ёрдам беради.

Туташ кафтлар

Кафтларни туташтириш кўпроқ медитацияда қўлланилади. У диққатни жамлаш, ўй-хаёллар ва ҳис-туйғуларни тартибга келтиришга ёрдам беради. Кафтларни туташтириб, уларга қарама-қарши босим ўтказиш орқали қон айланишини яхшилашга эришиш мумкин.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20725 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49676 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3621 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 2110 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 4051 Жаҳон
Хитой хорижий инвестицияларга чеклов жорий қилди
23:08 / 21.08.2017 2323 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3490 Жаҳон
Лотин алифбосидан кимлар қўрқади?
22:45 / 21.08.2017 5233 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 4668 Ўзбекистон
Мустақиллик байрами Миллий боғда ўтказилмайди
22:34 / 21.08.2017 18965 Ўзбекистон
Кўпроқ янгиликлар