Украина Донбассдаги ҳарбий операция шаклини ўзгартирмоқчи

Жаҳон 15 Июнь 2017 7144

Украинанинг Донбассида "аксилтеррорчилик операцияси" тартибидан янги шаклдаги ҳарбий операцияга ўтишга имкон берувчи қонун лойиҳаси кейинги ҳафтада Украина олий радасига кўриб чиқиш учун киритилади. Бу ҳақда "Миллий фронт" депутатлик фракцияси раиси ўринбосари Андрей Тетерук маълум қилди.

Аввалроқ Украина миллий хавфсизлиги кенгаши котиби Александр Турчинов "аксилтеррорчилик операцияси"ни якунлаб, мамлакатни "Россия билан гибрид кураш"дан ҳимояловчи янги шаклдаги ҳарбий операцияга ўтиш кераклигини айтганди. Россия Украина ичидаги можаро томони ҳисобланмаслиги, айирмачиларни қўллаб-қувватламаслиги ва Донбассга қўшин юбормаётганини айтиб келади. Украина президенти Пётр Порошенко Донбассни реинтеграция қилиш қонуни қабул қилинмагунгача "аксилтеррорчилик операциясининг бекор қилиниши"га қарши чиқмоқда. Бу қонунда украиналик ҳарбийлар ҳаракатларининг ҳуқуқий тартиби баён қилинади.  

"Кейинги ҳафтада олий радага аксилтеррорчилик операциясини якунлаб, қуролли кучларимизни қўллашнинг янги босқичини бошлашга имкон берувчи қонун лойиҳаси киритилади. Мен тафсилотларни ошкор қилолмайман, келинг кейинги ҳафтани кутиб турайлик. Ўшанда биз якуний тасдиқланган қонун матнига изоҳ бера оламиз", деб айтган Тетерук.

Унинг айтишича, мутахассислар гуруҳи бу қонун лойиҳаси устидаги ишларни якунламоқда.

"Аксилтеррорчилик операцияси аксилтеррорчилик марказимиз томондан террорчиликка қарши кураш ҳақидаги қонунга кўра ҳаракат қилади ва Украина хавфсизлик хизмати вакиллари томондан бошқарилади. Бизда бугун аксилтеррорчилик операцияси доирасида ҳал қилинмайдиган мутлақ бошқа вазифалар ва таҳдидлар мавжуд. Шу билан боғлиқ ҳолда қуролли кучларимизни қўллаш имкониятлари кенгайтирилади. Тезкор штаб ҳарбий бўлинмаларимизни ўз ичига олади, шунингдек ҳарбий ихтилоф ҳудудидаги барча ҳаракатларимиз аниқ ва босқичма-босқич бажарилиши учун бу ерга ҳарбий-фуқаролик маъмуриятимиз интеграция қилинади", деб қўшимча қилди Тетерук. 

Унинг айтишича, аксилтеррорчилик операцияси ўз зиммасига юкланган вазифаларни бажарди – Луганск ва Донецк вилоятларининг бир қисмида вазиятни барқарорлаштирди ва Украинада сайловлар ўтказишга имкон берди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29723 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16096 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 64098 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56988 Жамият
Ғазабланган россиялик 46 минг рубллик қарзини копейкаларда тўлади
09:20 467 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 157 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 155 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 416 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 162 Жаҳон
McDonalds Ҳиндистондаги 170 га яқин ресторанини ёпади
08:57 1296 Жаҳон
Кўпроқ янгиликлар