АҚШ президенти Дональд Трамп Энергетика вазирлиги тадбиридаги чиқиши давомида Украина Вашингтондан "миллионлаб тонна кўмир етказиш"ни сўрагани ҳақида маълум қилди. Оқ уй раҳбарининг сўзларига кўра, у шунга мувофиқ кўрсатма берган. 

"Дунёда бизнинг ресурсларимиз керак бўлган жойлар кўп ва биз уларни бутун дунёга сотиш истагидамиз", - деди Америка президенти. 

Трамп ўз чиқишида Америка энергетик ҳукмронлиги дастурини тақдим этди. У АҚШнинг нафақат керакли энергоресурслар билан таъминлаш, балки дўстлар ва иттифоқдошларга ҳам ёрдам бериш режалари ҳақида маълум қилди. "Бизга нима қилиш кераклигини уқтирмасликлари учун суверенитетимизни мустаҳкамлашимиз керак", - қўшимча қилди АҚШ давлат раҳбари.

АҚШ президенти шунингдек кўмир компанияси вакилларини Пенсильванияда кўп йиллардан бери биринчи марта кўмир конининг очилиши билан табриклади. У ушбу штатда янги иш ўринларини яратиб, сайлов олди ваъдасининг устидан чиқаётганини таъкидлади.