KXDR yana raketa uchirdi, u Yaponiya hududiga tushgan

4 iyul kuni Toshkent vaqti bilan soat 05:40da Shimoliy Koreya Pxyonan-Pukto provinsiyasidan Yapon dengiziga qarata ballistik raketa uchirdi. Bu haqda Janubiy Koreya shtab boshliqlari birlashgan qo‘mitasi hamda Yaponiya Vazirlar Mahkamas bosh kotibi Yosixido Suga bir vaqtda ma'lum qilgan.

Raketaning parvozi 40 daqiqa bo‘lgan. U Yaponiya maxsus iqtisodiy zonasi hududiga tushgani taxmin qilinmoqda. 

Yaponiya tomoni KXDRga norozilik yo‘llagan.

Yonhap agentligi xabariga ko‘ra, dengizda xavfsizlik xizmati ehtiyot choralarini ko‘rish, suv yuzasida raketa bo‘laklari bo‘lishi mumkin yirik buyumlar topilgan taqdirda mahalliy bo‘linmalarni xabardor qilishga chaqirgan. 

KXDR 14 may kuni ham Pxyonan-Puktodan ballistik raketa uchirgandi.