Америкалик актёр кичик Жон Мэттью Хёрд 72 ёшида вафот этди. 

Бу ҳақда TMZ марҳумнинг оиласига яқин бўлган манбаларга асосан хабар бермоқда.

Таъкидланишича, актёр меҳмонхонада жонсиз ҳолда топилган. Ўлимга нима сабаб бўлгани очиқланмаган.

Кичик Хёрд “Уйда ёлғиз” (1990) ва “Уйда ёлғиз 2: Нью-Йоркда адашиб қолган” комедияларидаги оила бошлиғи роли орқали машҳур эди.

Шунингдек, у “Уйғониш” (1992), “Ўт чизиғида” (1993), “Пеликанлар ҳақидаги иш” фильмиларида роль ижро этган.