Илк сузувчи шамол электростанцияси яратилди (фото)

Технология 26 Июль 2017 7071

Шотландиянинг шимоли-шарқий қирғоқларида, Питерхед шаҳри яқинида 20 минг хонадонни электр энергия билан таъминлашга қодир Peterhead шамол электростанциясини ўрнатиш ишларининг якунловчи босқичлари бошланди. Ҳозирда Hywind қувурларидан 5 тасидан биттаси етказиб берилди, қолган 4 таси Норвегия фьордларида бўлиб, транспортировкалашга тайёрланмоқда. Турбиналар ишлаб чиқарувчи Statoil компаниясининг (Норвегия) таъкидлашича, сузувчи энергия генераторлари қуввати бўйича ўзининг стационар муқобилларига тенг ёки ҳаттоки улардан ошади. 

Сузувчи генераторларнинг конструкцияси улкан қалқаларни (поплавок) эслатади: сув сиртида 175 метрли минора қад кўтариб туради, генераторнинг умумий баландлиги эса 253 метрни ташкил қилади. Битта миноранинг оғирлиги 11,5 тонна бўлиб, турбинанинг энергия генераторлари қуввати 6 МВт га тенг. Шамол станцияси минорасини бир жойда ушлаб туриш учун денгиз тубида бир километр чуқургача маҳкамлаб қўйиладиган 3 та лангарли тросдан фойдаланилади. Statoil компанияси узунлиги 75 метр бўлган парракларнинг ҳужум бурчагини ўзгартира оладиган махсус дастурий таъминот ўрнатган. Бундай технология нафақат шамол кучини самарали қўллаш, балки довуллар, тўлқин ва оқим оқибатида юзага келадиган тебранишларни ҳам камайтиришга имкон беради.  

Яқин ҳафталарда барча 5 та трубина Питерхед шаҳридан 25 кмда жойлашган ўзининг доимий жойига етказилади. Ушбу жой ўзининг унча чуқурмаслиги (120 метргача), шамолнинг ўртача йиллик тезлиги юқорилиги ва барқарорлиги (10,1 метр/сонияга етади) сабабли танланган. Шамол станцияси ишлаб чиқарадиган умумий қувват 30 МВт ни ташкил қилади.  

Охирги вақтларда сузувчи электростанцияларнинг нархи жадал арзонлашмоқда, бу уларни стационар станцияларга қараганда оммавийлашувига олиб келиши мумкин. Шу билан бирга сувдаги илк сузувчи шамол электростанциясини барпо этиш харажатлари шундай объектни қуруқликда қуришдагидан 2 марта кўпроқ бўлиб, 190 млн фунт стерлингни ташкил қилди. Ушбу лойиҳани амалга ошириш имкони Шотландия ҳукумати томондан молиялаштирилиш эвазига пайдо бўлди. Айни вақтда Шотландия ҳукумати яна битта сузувчи шамол электростанциясини қуриш лойиҳасини маъқуллади. Унинг таркибига Германиянинг Senvion компаниясининг 8 та турбинаси киради.  Станциянинг умумий қуввати 48 МВт ни ташкил қилади ва 2018 йилда ишлай бошлайди.

Жонзотларни ҳимоя қилувчи баъзи ташкилотлар сузувчи шамол электростанцияларига қарши чиқмоқдалар, Уларнинг фикрича, улкан турбиналар минглаб қушларнинг нобуд бўлишига сабабчи бўлиши мумкин. Бироқ ҳаттоки уларнинг ўзлари бу рақамлар расмий статистика билан тасдиқланмаганини тан олмоқдалар.

Кун янгиликлари
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 14699 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 43918 Жамият
Кун.uz офис изламоқда
15:48 / 06.08.2017 46011 Lifestyle
Тошкент ирригация ва қишлоқ хўжалигини механизациялаш муҳандислари институтида “Ҳаракатлар стратегияси хонаси” очилди
UMS марказий офисида «Artel Mobile» сотувлар офиси очилди
Янги авлодга қандай эришамиз?
АҚШ ва Жанубий Корея қўшма ҳарбий машқларни бошламоқда
09:44 353 Жаҳон
Экспертлар КХДР ракета-ядро кучлари қўмондонлиги қаерда жойлашганини аниқлашди
09:40 1059 Жаҳон
Американинг 10 дан ортиқ дипломати Кубада «акустик ҳужум»га учради
09:35 533 Жаҳон
Россия ҲКК ИШИДнинг 200 дан ортиқ жангарисини йўқ қилди
09:24 961 Жаҳон
Кўпроқ янгиликлар