Каттақўрғонда ёш йигит тенгдошлари томонидан калтакланиши туфайли ҳаётдан кўз юмди

Жамият 31 Июль 2017 21888

"Ёшлик – бебошлик" деган ибора халқимиз орасида кенг тарқалган. Бу гапни кимлар эркалаш маъносида айтса, кимдир ёшлик қизиққонлиги туфайли содир бўладиган баъзи нохуш ҳолатларга нисбатан қўллайди. Аслида бу бебошлик инсон умрига зомин бўлишига олиб келса-чи? Каттақўрғон шаҳрида юз берган ана шундай бебошлик ортидан содир этилган жиноят бир ёш йигитнинг ўлими билан якун топди, деб ёзмоқда “Зарафшон” газетаси.

Ушбу жанжал дастлаб Каттақўрғон шаҳар Ингичка қўрғонида ташкил этилган арқон тортиш мусобақасида бошланди. Тортишув мусобақа якун топгандан кейин ҳам давом этади ва ёшлар гуруҳбозлик қилиб, бир-бири билан "ҳисоб-китоб" қилишни ўзларига маъқул кўришади.

Р.Турсунов ва А.Бобомуродов мусобақанинг эртасига Д.Кенжаев ва М.Абдунабиевларни автомобилларга техник хизмат кўрсатиш шохобчаси ёнида ҳақоратлаб, уларга тан жароҳати етказади. Шу билан жанжал якунига етмайди. Жабрдийдалар қасос олиш учун ёнига ўртоқларини тўплайди. 

М.Абдунабиев, Ж.Жумаев ва  Ф.Махмадраимов бир гуруҳ бўлиб, А.Бобомуродовни дўппослайди. Воқеага гувоҳ бўлган Б.Бердираҳмонов А.Бобомуродовни таниб, унга ёрдам беришга ошиқади ва у ҳам жаҳл отидаги кимсалар муштидан бенасиб қолмайди.

Муштлашув натижасида А.Бобомуродов ҳушини йўқотади. Унга ёрдам бермоқчи бўлган жанжал иштирокчиларининг ҳаракати бесамар кетади. Шифохонага олиб борилган А.Бобомуродов тан жароҳатлари туфайли вафот этади.

Воқеа жойида олиб борилган тезкор суриштирув ишлари ва гувоҳлар кўрсатмаси жиноятга қўл урган кимсаларнинг айбини тасдиқлади.

Суднинг қора курсисида ўтирган, ёшлик завқини заҳарга айлантирган ёшлар қилмишидан пушаймон бўлди. Суд уларга нисбатан қонуний жазо тайинлади.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 38647 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 14106 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 90953 Ўзбекистон
Кекса немис Исландияга эски тракторда саёҳатга жўнади
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 471 Жаҳон
Янги ўқув йилида олий ўқув юртларида ўқиш учун контракт пули ошмайди
23:30 / 17.08.2017 2331 Ўзбекистон
Йўқолган никоҳ узук 13 йил ўтиб сабзида топилди
23:25 / 17.08.2017 3319 Жамият
Барселонадаги теракт гумондорлари қўлга олинди
23:20 / 17.08.2017 1495 Жаҳон
Хайрулла Нуриддинов МТРК раиси  ўринбосарлигидан кетди
23:15 / 17.08.2017 3701 Ўзбекистон
Фото: Австралияда дунёдаги энг кучли қуёш электростанцияси қурилади
23:10 / 17.08.2017 674 Технология
Кўпроқ янгиликлар