Islom Karimov nomidagi “Toshkent” xalqaro aeroportida mukammal ta'mirlash ishlari o‘tkazilganidan so‘ng 1-raqamli uchish-qo‘nish yo‘lagi foydalanishga topshirildi.
Ta'mirlash ishlari davomida 50 ming kvadrat metr keluvchi asfalt qoplamasi almashtirildi. Shuningdek, nur signal beruvchi qurilmani o‘zgartirish bo‘yicha ishlar bajarildi, sun'iy uchish-qo‘nish yo‘lagining yangi o‘q chizig‘i, qo‘nish hududlari va uchish-qo‘nish yo‘lagiga kirish chiroqlari o‘rnatildi.
Qayd etilishicha, yangi 1-raqamli sun'iy uchish-qo‘nish yo‘lagi parvozlar xavfsizligi ta'minlash bo‘yicha barcha xalqaro talablarga javob beradi.