22 август куни «Барселона» твиттерида «ПСЖ» яримҳимоячиси Анхел Ди Мария трансфери ҳақида эълон қилинди.

Бироқ, бир неча дақиқа ўтгач, бу твитни инкор қилувчи бошқа хабар пайдо бўлди. Унга кўра, твиттер саҳифаси ҳакерлар ҳужумига учраган ва Ди Мария трансфери ҳақидаги ёлғон хабар улар томонидан киритилгани маълум бўлди.

Қайд этиш керакки, бундан аввалроқ, Коутиньо трансфери амалга ошмаган тақдирда Ди Мария «Барселона»га ўтиши, буни жамоа етакчиси Лионель Месси истаётгани хабар қилинганди.