China COSCO SHIPPING Corporation корпорацияси раҳбари Сюй Лижуннинг маълум қилишича, БРИКС давлатлари савдо протекционизмининг (бирор давлатнинг ўз миллий иқтисодиётини чет эл рақобатидан ҳимоя қилишга қаратилган сиёсати) исталган шаклларига биргаликда қарши туриши ва жаҳон иқтисодиёти глобаллашувининг барқарор ривожини илгари суриши лозим. Бу ҳақда РИА «Новости» хабар бермоқда.

«Халқаро ҳолат яхшилангани шароитида, БРИКС мамлакатлари иқтисодиётларида ҳам ижобий тенденциялар кўзга ташланмоқда, БРИКСнинг келажагида катта истиқболлар бор. Биз очиқ глобал иқтисодиёт қуриш ва уни қатъий ҳимоя қилиш, протекционизмнинг исталган шаклларига биргаликда курашиш, инклюзивлик принципига риоя этиш ва жаҳон иқтисодиёти глобаллашувининг соғлом ривожланишига туртки беришга чақирамиз», - деди у.

Аввалроқ Хитой БРИКС саммитига яна 5 давлат етакчисини таклиф қилгани хабар берилганди.