Avstraliya bosh vaziri Malkolm Tyornbullning ma'lum qilishicha, Shimoliy Koreyaga iqtisodiy bosim o‘tkazish Koreya yarim orolidagi vaziyatga yechim topishda yordam berishi mumkin.
«Kim Chen Inning tahdidli harakatlari ko‘payib bormoqda. Mening ishonchim komilki, xalqaro hamjamiyat Shimoliy Koreyaga yanada kuchliroq iqtisodiy bosim o‘tkazishi kerak, shunda bu rejim o‘ziga keladi», - deya bosh vazirning so‘zlarini keltiradi News.com.au.
Shuningdek, uning ta'kidlashicha, Avstraliya va AQSh Yaponiya hamda Janubiy Koreya bilan KXDRni «aqlsiz va qonunlarga zid siyosatni» to‘xtatishga majburlash maqsadida o‘zaro harakatlarni ko‘rish niyatida.
Avvalroq Moskva va Seul KXDR bilan birgalikda loyihalarni amalga oshirmoqchi ekani xabar berilgandi.
