Bekobod shahrida joriy yilning 17 avgust kuni shahar IIBga Bekobod shahrida yashovchi, nafaqaxo‘r, 1954 yilda tug‘ilgan L.S. ariza bilan murojaat qilib, 17 avgust kuni soat 15.30 larda tanishi, Bekobod shahrida yashovchi 1991 yilda tug‘ilgan M.Sh. uning uyiga kelib, mehmonxonasidagi shkafi ustida turgan narxi taxminan 1.200.000 so‘m bo‘lgan «htc» rusumli uyali telefonini o‘g‘irlaganligini ma'lum qilgan. Bu haqda Toshkent viloyati IIB xabar berdi.
M.Sh. ushlanib, ushbu holat yuzasidan unga nisbatan O‘zbekiston Respublikasi Jinoyat Kodeksining 169-moddasi bilan jinoyat ishi qo‘zg‘atildi. Ashyoviy dalil sifatida «htc» rusumli uyali telefoni olindi.
Tergovni IIB olib bormoqda.
