Венесуэла ҳукуматининг нефть экспортчиларига хабар қилишича, мамлакат эндиликда ҳисоб-китобларни АҚШ долларида юритмайди. Бу ҳақда The Wall Street Journal манбаларга асосан ёзмоқда.

Тахминларга кўра, бундай қарор мамлакат иқтисодиётига Америка санкциялари таъсирини чеклаш имконини яратади.

Эндиликда, Венесуэла нефтини экспорт қилувчи ёки мамлакатга нефть маҳсулотлари импортини амалга оширувчи нефть трейдерлари еврога ўтишди.

Бироқ, газета маълумотларига кўра, доллардан воз кечиш ҳақида расман маълум қилинмади.

Аввалроқ Венесуэлада нефть билан боғлиқ 200 млн долларлик ўғирлик ҳолати тергов қилинаётгани маълум бўлганди.