Россиянинг Владимир вилоятида йўловчи поезди билан жиддий ЙТҲга учраган автобус Қозоғистондан келаётган бўлган. Бу ҳақда РИА Новости Россия ФВВнинг Владимир вилояти бўйича бош бошқармаси вакилига асосан хабар тарқатди.

Аввалроқ жумага ўтар кечаси Владимир вилоятидаги темир йўлни кесиб ўтадиган жойда автобус ва поезд тўқнашиб кетгани хабар қилинганди. Дастлабки маълумотларга кўра, ҳодиса оқибатида 16 киши ҳалок бўлган. ИИВ маълумотига қараганда, автобус светофорнинг тақиқловчи чироғига қарамай темир йўлни кесиб ўтадиган жойга чиқиб кетган.

"Автобус Қозоғистон республикасиники, поезд эса - "Санкт-Петербург — Нижний Новгород", - деган агентлик суҳбатдоши.

Унинг сўзларига кўра, воқеа жойида вилоят ФВВ бошқармасининг аэромобиль гуруҳи иш олиб бормоқда.

Қозоғистон Ташқи ишлар вазирлиги эса бу ҳодиса бўйича маълумотларни аниқлаштирмоқда. Бу ҳақда республика ташқи сиёсат идорасининг матбуот хизмати раҳбари Анвар Жайнаков маълум қилди.

"Қозоғистон ТИВ ушбу ҳодиса тафсилотларини аниқлаштирмоқда", — деган Жайнаков.

Шу билан бирга, унинг таъкидлашича, ҳозирча автобус Қоғозистонга тегишлилиги ёки ҳалок бўлганлар ва жабрланганлар ушбу давлат фуқароси эканини якуний тарзда тасдиқлай олмайди.