«Барселона» ҳужумчиси Лионель Мессининг янги шартномаси ҳақида миш-мишлар жуда кўпайиб кетган. Баъзилар унинг янги шартномага имзо қўйганини гапирса, бошқалар бу хабарни инкор қилмоқда.

Бу сафар Ла Лига раҳбари Хавьер Тебас шу ҳақдаги маълумотлари билан ўртоқлашди.

«Месси шартномани узайтирди. Барча қоғозлар расмийдир. Агар мени ҳеч ким алдамаган бўлса, бу ҳақиқат», — деб Тебас сўзларини келтирмоқда Marca.

Аввалроқ, «Барселона» бош директори Оскар Грау клуб Лионель Мессига умрбод шартнома таклиф қилмоқчи эканини айтган эди.

Эслатиб ўтамиз, аргентиналик тўпурарнинг амалдаги шартномаси 2018 йил ёзигача мўлжалланган.