Londonning «Arsenal» va «Tottenhem» klublari o‘rtasida Angliya chempionatining 12-turi doirasida kechgan derbi bahsidan keyin ikki jamoa fanatlari o‘rtasida ommaviy mushtlashuv kelib chiqdi. Ushbu holat videosi YouTube portalida joylashtirilgan.
O‘yin tugagach, «Emireyts» stadionida ikki klub muxlislari to‘qnashgan. Politsiya hodisa joyiga yetib kelib fanatlarni ajratib qo‘ygan.
Bu safargi Shimoliy London derbisi «Arsenal»ning 2:0 hisobidagi g‘alabasi bilan yakunlandi. 1887 yildan buyon o‘tkazib kelinadigan bu derbi Angliya futbolidagi eng prinsipial ahamiyatga ega uchrashuv hisoblanadi va aksar hollarda derbidan keyin muxlislarning o‘zaro mushtlashuvlari kuzatiladi.
