09:58 / 14.12.2017
38040

Toshkent – O‘sh. O‘zbekiston va Qirg‘iziston muhim kelishuvga erishdi

O‘zbekiston prezidenti Shavkat Mirziyoyev Qirg‘iziston prezidenti Sooronbay Jeenbekov bilan uchrashuv chog‘ida transport qatnovi borasida kelishib olganliklarini ma'lum qildi.

Uning ta'kidlashicha, tomonlar avtobus yo‘nalishlarini ochish, nafaqat Bishkek-Toshkent yo‘nalishi bo‘yicha aviareyslarni, balki Toshkent-O‘sh yo‘nalishida ham parvozlarni yo‘lga qo‘yish bo‘yicha kelishib oldilar. «Juda katta ehtiyoj bor. Biz Bishkek va Toshkent o‘rtasida aviareyslar qatnovini ikki barobarga ko‘paytirishni istaymiz. Bunga ehtiyoj bor», - dedi Mirziyoyev.

O‘zbekiston prezidenti temir yo‘l yo‘nalishi bo‘yicha kelishuvlar mavjudligini ham xabar qildi. «Qirg‘izistonda Issiq-Ko‘l noyob ko‘li bor. Xalqimiz biz aviareysni yo‘lga qo‘yishimizni xohladi, ammo biz shunga kelishib oldikki, Issiq-Ko‘lga qadar temir yo‘l yo‘nalishini ham ochamiz. Odamlar qo‘shnilarda shunday ajoyib joy bor bo‘lsa, nega ular uzoqqa borishlari kerak. Transport-logistik masalada biz katta yutuqlarga erishdik», - dedi Shavkat Mirziyoyev.

Mirziyoyevning, shuningdek, ta'kidlashicha, «biz chegara masalalari bo‘yicha ham oldinga siljidik». Uning so‘zlariga ko‘ra, prezidentlarning xohish-irodasi kerak bo‘ladigan masalalar ham bor. «Menimcha, u bizda bor. Biz bir yil davomida chegaraning 85 foizini hujjatlarga tushirdik, tasavvur qilyapsizmi. Bu faqat yo‘lning boshidir. Asta-sekin hujjatlarga tushiramiz», - dedi u.

Sooronbay Jeenbekov 13 dekabr kuni Toshkentga keldi. Bu uning prezident sifatidagi birinchi rasmiy tashrifidir. Jeenbekov poytaxtdagi Mustaqillik maydoniga tashrif buyurib, Mustaqillik va ezgulik monumenti poyiga gul qo‘ydi. U shuningdek birinchi prezident Islom Karimov nomidagi yodgorlik majmuasini ham ziyorat qildi va uning haykali poyiga gul qo‘ydi.

Mavzu
O‘zbekiston - Qirg‘iziston munosabatlari: yangi davr

Qirg‘iziston prezidenti Almazbek Atamboyev rafiqasi bilan Toshkentga keldi. Tashrif doirasida O‘zbekiston va Qirg‘iziston o‘rtasida 10dan ortiq hujjat imzolandi.

Barchasi
Top