20:04 / 17.12.2017
20728

Sharqiy Al-Quds shahrida Turkiya elchixonasi ish boshlaydi

Foto: Reuters

Turkiya prezidenti Rajab Toyyip Erdo‘g‘an yakshanba kuni «Sharqiy Al-Quds shahrida Turkiya elchixonasi ochilishi»ni ma'lum qildi. Istanbul deklaratsiyasini imzolagan «​Islom hamkorlik tashkiloti»​ a'zo davlatlari Sharqiy Al-Qudsni Falastin poytaxti, deb tan olgan edi. Endilikda Turkiya jumhuriyati rahbari hal qiluvchi qarorni ommaga e'lon qildi.

Reuters'ning xabar berishicha, AQSh prezidenti Donald Trampning fikriga keskin qarshi chiqqan prezident Erdo‘g‘an turk millatdoshlari oldida chiqish qilib, «tez kunlarda Sharqiy Al-Quds shahrida Turkiya elchixonasi ish boshlashini ma'lum qilgan».

Eslatib o‘tamiz, Turkiya Respublikasi davlat rahbari bundan avvalgi nutqida, «Al-Qudsni boy berish, Makka va Madina kabi shaharlarni boy berish bilan teng» ekanini izhor etgandi.

Top