Putin saylovlarda ishtirok etish uchun hujjatlarini topshirdi

Rossiya Federatsiyasining Markaziy saylov komissiyasi Rossiya prezidenti Vladimir Putindan 2018 yilgi davlat rahbari saylovlariga o‘z nomzodini ilgari surish uchun kerakli bo‘lgan hujjatlarni qabul qilish jarayonini boshladi. Bu haqda TASS xabar qilmoqda.

Qayd etilishicha, Putindan hujjatlar to‘plamini Markaziy saylov komissiyasining hujjatlarni qabul qilish bo‘yicha ishchi guruhi xodimlari komissiya a'zosi Aleksandr Klyukin rahbarligida qabul qilib olishmoqda. Putin saylovlarda mustaqil nomzod sifatida ishtirok etishni mo‘ljallagan.

Eslatib o‘tamiz, avvalroq Rossiya Federatsiyasi prezidenti Vladimir Putin o‘zida saylovoldi dasturi deyarli tayyor ekani, unda infratuzilmani rivojlantirish, sog‘liqni saqlash, ta'lim va rossiyaliklar daromadini oshirishga e'tibor qaratilishi haqida ma'lum qilgandi.