Foto: Tolo News
Afg‘oniston poytaxti Kobul shahridagi yirik terakt oqibatida halok bo‘lganlar soni 20 kishiga yetdi. Bu haqda mahalliy TOLONews telekanali mamlakat ichki ishlar vazirligiga tayangan holda xabar bermoqda.
Ta'kidlanishicha, 30 kishi jarohatlangan. Avvalroq 15 kishi halok bo‘lgani haqida xabar berilgandi.
Portlash 4 yanvar mahalliy vaqt bilan soat 20:30da shaharning Banoiy tumanida, AQSh elchixonasi yaqinida sodir etilgan. Guvohlarning aytishicha, bombani terrorchi-xudkush harakatga keltirgan. Telekanal ma'lumotlariga ko‘ra, portlash uchun mas'uliyatni IShID o‘z zimmasiga oldi.
