Ronalduning onasi o‘g‘lini qaysi klubda ko‘rmoqchi ekanini aytdi

«Real» hujumchisi Krishtianu Ronalduning onasi Doloresh Aveyru o‘g‘lining «PSJ» klubiga o‘tishi haqidagi xabarlarga izoh berdi.

Avvalroq, parijliklar 33 yoshli portugaliyalik to‘purar uchun 45 million yevro berishga tayyor ekani haqida xabarlar tarqalgan edi.

«Menga Parij yoqadi. Fransiyaga sayohat qilishni yaxshi ko‘raman, u yerda meni doim iliq kutib olishadi. Ochig‘ini aytsam, Krishtianu «PSJ»ga o‘tmoqchi bo‘lsa, unga qarshilik qilmayman. Ammo, uning «Manchester Yunayted» klubiga qaytishini istardim» - deb Aveyru so‘zlarini keltirmoqda AS.

Primeraning 2017/18 mavsumida Ronaldu 27ta o‘yinda 26ta gol urdi.