Lavrov: G‘arbning Rossiyaga nisbatan siyosati dalillarga asoslanmagan

G‘arb davlatlarining Rossiyaga nisbatan siyosati hech qanday isbotlarga ega bo‘lmagan ifodalarga asoslanadi. Misol tariqasida Rossiya TIV rahbari Sergey Lavrov «Skripallar ishi» va RFning Amerikadagi prezidentlik saylovlariga aralashuvini keltirdi.

Uning so‘zlariga ko‘ra, bu surishtiruvlarda shaffoflikdan asar ham yo‘q.

«Aftidan, endilikda g‘arblik do‘stlarimizning siyosati «ehtimoli juda yuqori» kabi ifodalar va «boshqa ishonarli tushuntirish yo‘q» kabi ta'kidlarga asoslanmoqda», degan vazir RT kanaliga bergan intervyusida.