O‘t o‘chiruvchilar Namangandagi uydan 12 kishini qutqarishdi

Namangan shahridagi 4 qavatli uylardan birida yong‘in kelib chiqdi. Voqea joyiga yetib kelgan o‘t o‘chiruvchilar 12 kishini yong‘indan qutqarib olishdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Boshqarma ma'lumotiga ko‘ra, 13 sentabr kuni Namangan shahri 5-mikrorayon hududidagi «Yangi tong» mahallasida joylashgan 19-uyning uchinchi qavatida yong‘in kelib chiqqan.

Yong‘in oqibatida uyning 20 kv m maydondagi hududi zararlangan. O‘t o‘chiruvchilar qutqarib olgan 12 kishining biri nogiron, biri chaqaloq va 9 nafari ayollar bo‘lgan.