2019 yil 23 sentabr kuni O‘zbekiston Respublikasi «O‘zbekiston eksportchilari» Uyushmasi tashkil etildi.
Uyushmaning asosiy vazifalari qilib quyidagilar belgilandi:
mahalliy eksportchilarining faoliyatini qo‘llab-quvvatlash, ularning huquq va manfaatlarini himoya qilish;
respublikada eksport uchun ishlab chiqarilgan mahsulotlarning yagona elektron savdo platformasini yaratish;
chet el investorlarini jalb qilgan holda mamlakat eksport salohiyatini oshirish;
yagona ichki va tashqi bozor marketing tadqiqot ma'lumotlar bazasini yaratish;
ilg‘or eksport qiluvchi mamlakatlarning tajribasini mamlakat eksportini rivojlantirishga ilmiy yondashgan holda tatbiq qilish;
«O‘zbekiston eksportchilari» Uyushmasi boshqaruv raisligiga «Qandolatchilikni rivojlantirish» Uyushmasi Boshqaruv Raisi lavozimida faoliyat olib borayotgan Muxtor Mansurxo‘jayevich Umarov saylandi
Uyushma manzili: Toshkent shahar, Olmazor tumani, Qoraqamish ko‘chasi, 8-uy.