G‘azo sektorida koronavirusdan ilk o‘lim holati qayd etildi

Ma'lum bo‘lishicha, yaqinda Misrda bo‘lib qaytgan 77 yoshli ayol G‘azoda virusning ilk qurboniga aylangan. U 19 may kuni Misrdan qaytgach, karantinga olingandi. Butun Falastinda virus yuqtirganlar soni 423 nafarni tashkil etmoqda. Ulardan 346 nafari tuzalgan bo‘lsa, 4 kishi vafot etgan. G‘azo sektorida esa 55 kishida virus aniqlangan. Ularning 38 nafari kasalxonada qolmoqda, 16 kishi tuzalgan.

Ma'lumot uchun, G‘azo sektori Falastinning Isroil hududida qolib ketgan anklav hududi hisoblanadi. O‘rta Yer dengizi sohilida joylashgan bu hududning ikki tomoni Isroil bilan chegara va janubda Misrga chegaradosh. G‘azoning Isroil bilan chegara qismlari jiddiy qo‘riqlanadi. Mirs bilan chegara esa beton to‘siqlar bilan ajratilgan. Umumiy hududi 365 kvadrat kilometr bo‘lgan G‘azoda 2 million atrofida falastinliklar istiqomat qiladi.