XDP yangi logotipga ega bo‘ldi

Partiyaning yangi logotipi parallelogramm shaklida bo‘lib, binafsha va oq rangda aks ettirilgan, markazida “XDP” degan yozuv tushirilgan.

XDP markaziy kengashi raisi Ulug‘bek Inoyatov partiyaning yangi ramziga qisqacha ta'rif berdi.

“Ramzdagi binafsha rang – mehr-oqibat, saxovatlilik ramzi bo‘lib, yetakchilar, liderlar rangi hisoblanadi. Ushbu rang partiya o‘z elektorati vakillari manfaatini himoya qilishga, ularning orzu-intilishlarini ro‘yobga chiqarishga va qo‘llab-quvvatlashga doimo tayyor ekanligiga ishoradir.

Oq rang tinchlik-xotirjamlik, ijtimoiy birdamlik va barqarorlik kabi azaliy va ezgu g‘oyalarni ifodalaydi”, – dedi partiya raisi.

Eslatib o‘tamiz, XDPning IV plenumida partiya nomidan prezidentlik saylovida Maqsuda Vorisova nomzodi ilgari surilishi ma'lum qilingan.