Qoʻshimcha funksionallar
-
Tungi ko‘rinish
Qozog‘istonda 6 konchi metan otilishi oqibatida halok bo‘ldi
Qozog‘istonning Qarag‘anda oblasti Abay shahridagi Abay konida metan otilishi oqibatida 6 kishi halok bo‘ldi, 2 kishi jarohatlandi.
Foto: Tengrinews.kz
Dastlabki ma'lumotlarga ko‘ra, voqea yuz bergan vaqtda konda 64 ishchi bo‘lgan, ulardan 56 nafari mustaqil ravishda tashqariga chiqa olgan. Qolgan 8 konchi gaz otilishi yuz bergan 3-K10 zaboyida bo‘lgan.
Xabar qilinishicha, metanning ventilyatsiya shtrekida otilishi yuz bergani haqidagi xabar qutqaruvchilarga mahalliy vaqt bilan 9:30 da kelib tushgan.
Halok bo‘lgan konchilar jasadi soat 12:37 da tashqariga chiqarilgan. Jarohatlangan 2 konchi og‘ir ahvolda shifoxonaga yetkazilgan.
Voqea sabablari va tafsilotlari aniqlashtirilmoqda. Kondagi ishlar to‘xtatilgan.
Qozog‘iston bosh vaziri Askar Mamin topshirig‘i bilan voqea joyiga favqulodda vaziyatlar vaziri Yuriy Ilin boshchiligidagi komissiya yo‘l olgan.
Mavzuga oid
18:32 / 22.01.2026
«Kelin o‘g‘irlash» ortidan sodir etilgan qotillik Qozog‘istonni larzaga soldi
17:52 / 20.01.2026
To‘qayev Qozog‘istonda vitse-prezident lavozimini tiklashni taklif qildi
08:40 / 20.01.2026
«Metan zapravkalar» faoliyatiga yana vaqtincha cheklov kiritildi
08:29 / 15.01.2026