O‘zbekiston tashqi savdo aylanmasi 6 mlrd dollarga oshdi

O‘zbekiston Respublikasining tashqi savdo aylanmasi 24,5 mlrd AQSh dollariga teng bo‘ldi. Bu haqda Davlat statistika qo‘mitasi ma’lumot berdi.

Qo‘mita axborotiga ko‘ra, 2022 yilning yanvar-iyun oylarida O‘zbekiston Respublikasining tashqi savdo aylanmasi 24,5 mlrd AQSh dollariga teng bo‘ldi. 

Ma’lum qilinishicha, bu o‘tgan yilning mos davri bilan solishtirilganda qariyb 6 mlrd AQSh dollariga oshgan. 

Tashqi savdo aylanmasi tarkibida eksport 9,9 mlrd dollarni tashkil etdi. Bunda, mahsulotlar 8,3 mlrd dollar, xizmatlar 1,6 mlrd dollar olib kelgan.

Shuningdek, importga 14,6 mlrd dollar sarflangan. Bunda, mahsulotlarga 13,5 mlrd dollar ketgan bo‘lsa, xizmatlarga 1,1 mlrd dollar sarflangan.