AQSh Ukrainaga yangi yordam paketini e’lon qildi

Amerika Qo‘shma Shtatlari Ukrainaga yangi harbiy yordam paketi doirasida Patriot zenit-raketa komplekslari va HIMARS yalpi o‘t ochish reaktiv tizimlari uchun o‘q-dorilar, shuningdek, havo hujumidan mudofaa tizimlari beradi, deya ma’lum qildi AQSh Milliy xavfsizlik kengashi matbuot kotibi Jon Kirbi.

Foto: US Army

Ushbu paketning bir qismi sifatida biz Ukrainaga Patriot uchun qo‘shimcha o‘q-dorilar, shuningdek, ko‘proq Avenger va Stinger havo mudofaa tizimlari va HIMARS uchun o‘q-dorilar, artilleriya, tankka qarshi qurollarni yetkazib beramiz, dedi u Oq uydagi brifingda.

Uning so‘zlariga ko‘ra, gap Ukrainaga 39-yordam paketi haqida ketmoqda, buning uchun qurollar Amerika arsenallaridan olinadi.

Aprel oyi oxiriga kelib, AQShning Ukrainaga bergan harbiy yordami umumiy qiymati qariyb 36 milliard dollarni tashkil qilgan.