CAFA Futsal Cup 2023. O‘zbekiston Eronga yirik hisobda yutqazdi

Tojikiston poytaxti Dushanbeda CAFA Futsal Cup-2023 turniri 4-turi doirasida O‘zbekiston hamda Eron milliy jamoalari o‘rtasidagi uchrashuv yakunlandi.

Foto: O‘FA

Bahodir Ahmedov shogirdlari musobaqadagi to‘rtinchi o‘yinida turnirdagi 2-mag‘lubiyatni tan oldi. Guruh peshqadami Eronga qarshi bahsda vakillarimiz yirik – 5:0 hisobida mag‘lub bo‘lishdi.

Shu tariqa, Eron 9 ochko bilan guruhda peshqadamlikni mustahkamladi. O‘zbekiston esa 6 ochko bilan, hozircha 4-o‘ringa tushdi. Turnirning so‘nggi o‘yinida vakillarimiz Qirg‘izistonga qarshi parketga tushadi.

CAFA Futsal Cup 2023. 4-tur. Dushanbe.
Eron – O‘zbekiston – 5:0
Gollar: Ali Halilvand 2ʼ, 35ʼ, Ali Akrami 4ʼ, Akbar Usmonov (avtogol) 8ʼ, Amir Husayn 33ʼ.
O‘zbekiston: 1.Ravshan Eliboyev, 4.Ixtiyor Ropiyev, 6.Ilhom Hamroyev, 8.Husniddin Nishonov, 10.Davron Choriyev.
Zaxira tarkibi: 12.Abbos Elmurodov, 3.Mashrab Odilov, 2.Xushnur Erkinov, 5.Sunnatilla Jo‘rayev, 11.Akbar Usmonov, 14.Jamshid Rahmatullayev, 7.Dilshod Rahmatov, 9.Avazbek Abduvaliyev, 13.Abdulla Solihov.

Tayyorlagan: Усмон Ибодов

#Eron #O‘zbekiston #CAFA Futsal Cup-2023