2023 yil yakunlariga ko‘ra, Qozog‘istondan O‘zbekistonga ko‘mir importi 1,4 mln tonnaga oshib, 3,1 mln tonnaga yetgan.
Qozog‘iston 2023 yil oxirida O‘zbekistonga ko‘mir yetkazib berish hajmini deyarli ikki barobar oshirdi. Bu haqda «Qozog‘iston temiryo‘llari» matbuot xizmati ma’lum qildi.
2023 yilda Qozog‘istondan O‘zbekistonga temiryo‘l orqali yuk eksporti hajmi 29 foizga oshib, 10 mln tonnani tashkil etdi. Asosiy eksport mahsuloti don bo‘lib, uning yetkazib berish hajmi 3,5 mln tonnani tashkil etdi.
Qozog‘iston ko‘mirining O‘zbekiston bozoriga eksporti yil davomida 82,3 foizga yoki 1,4 mln tonnaga oshib, 3 mln tonnani tashkil etdi.
Temiryo‘l orqali neft mahsulotlari, qora metallar, kimyoviy moddalar va mineral o‘g‘itlar yetkazib berish amalga oshirildi.
Avvalroq Qozog‘iston sanoat va infratuzilmani rivojlantirish vaziri o‘rinbosari Iran Sharxan O‘zbekistonga ko‘mir yoqilg‘isi eksportini bosqichma-bosqich 25 barobardan ko‘proq, ya’ni 12,8 mln tonnagacha oshirish rejalarini ma’lum qildi.
2023 yilning dastlabki to‘rt oyida Qozog‘istondan O‘zbekistonga ko‘mir yetkazib berish qariyb uch barobarga oshib, 255,3 ming tonnani tashkil etdi.
