Jahon | 13:54 / 31.01.2025
25360
3 daqiqa o‘qiladi

AQShda qorbo‘ronli havoda pitssa tashigan kurerga 2 dollar choychaqa berishganidan so‘ng internetda unga 40 ming dollar xayriya yig‘ildi

Kurer yigit yupun kiyimda pitssa tashiyotganini ko‘rgan politsiyachi uni videoga olib, TikTok’ka joylagan. Kutilmaganda unga katta miqdorda xayriya to‘plangan.

Videodan kadr

Amerikalik politsiyachi Richard Kreyg tomonidan suratga olingan video TikTok’da ommalashdi. Videoda pitssa yetkazib beruvchi yigit qorli havoda yengil krossovka va sviter kiygan holda yurgani aks etgan.

Ma’lumotlarga ko‘ra, o‘sha kuni AQShning Indiana shtatida kuchli qor bo‘roni sodir bo‘lgan. 20 yoshli mahalliy kurer Konnor Stefanoff esa pitssa yetkazib berish bilan shug‘ullanayotgandi. Uning aytishicha, qorda transport harakati to‘xtatilgani sababli, buyurtmalardan birini yetkazish uchun bir kilometr masofani piyoda bosib o‘tishga majbur bo‘lgan. Konnor pitssani o‘z vaqtida yetkazgan bo‘lsa-da, atigi 2 dollar choychaqa olgan.

Bu vaziyat Richard Kreygni g‘azablantirgan. U Konnorga yonidagi bor puli — 15 dollarni bergan va keyin voqeani TikTok’da ulashgan.

“Men hayratda qoldim. Yo‘llardan deyarli yurib bo‘lmasdi. Shunda bu bolaning qilayotgan ishini tasvirga olishim kerakligi, og‘zaki aytsam, odamlar ishonmasligini o‘yladim”, — deya politsiyachi The Washington Post gazetasiga voqea haqida aytib berdi.

Kreygning obunachilari Konnor uchun GoFundMe platformasida mablag‘ yig‘ishni taklif etdi. Politsiyachi kamida 500 dollar yig‘ilishini kutgandi. Ammo ikki hafta ichida kurer uchun deyarli 40 ming dollar xayriya to‘plandi.

Konnor buvisi bilan yashashini aytgan. Uning maoshi kommunal to‘lovlarni qoplashga yetardi xolos. Yigit xayriya pulining bir qismini mashina sotib olishga sarflamoqchi. Yana bir qismini kollejda o‘qishga, qolganini esa xayriya ishlariga yo‘naltirishni rejalashtirmoqda.

Konnor ishlaydigan Rockstar Pizza kompaniyasi ob-havo yomonlashgan kunlarda o‘z kurerlariga uyda qolishga ruxsat beradi. Biroq yigit baribir ishga chiqishga qaror qilgan. Uning aytishicha, qilgan ishi birovning e’tiborini tortmagan taqdirda ham, boshqacha yo‘l tutmagan bo‘lardi.

 “Boshqalar sizga qanday munosabatda bo‘lishini istasangiz, siz ham ularga shunday bo‘ling”, — deydi u.

Mavzuga oid

E`lonlar

Toshkent Kimyo xalqaro universiteti va Pukyong milliy universiteti o‘rtasidagi ilmiy va madaniy hamkorlik rivojlanmoqda

Golden House  biznes-klassdagi O‘z Makon II turar joy majmuasi taqdimotiga taklif etadi

O‘zbekiston Respublikasi Hisob palatasi va Toshkentdagi Singapur menejmentni rivojlantirish instituti o‘rtasida hamkorlik aloqalari yo‘lga qo‘yildi

Tenge Bank Visa bilan hamkorlikda bir qator innovatsion to‘lov xizmatlarini ishga tushirmoqda

FAW Trucks: O‘zbekistonda yangi davrni boshlagan yetakchi yuk mashinalari ishlab chiqaruvchisi

Fermerlar va dehqonlar uchun qulay imkoniyat – “O‘zkimyosanoat” AJ mineral o‘g‘itlarga 10 foizgacha chegirma narxlarini taklif etmoqda 

Toshkent Kimyo xalqaro universiteti va Pukyong milliy universiteti o‘rtasidagi ilmiy va madaniy hamkorlik rivojlanmoqda

Golden House  biznes-klassdagi O‘z Makon II turar joy majmuasi taqdimotiga taklif etadi

O‘zbekiston Respublikasi Hisob palatasi va Toshkentdagi Singapur menejmentni rivojlantirish instituti o‘rtasida hamkorlik aloqalari yo‘lga qo‘yildi

Tenge Bank Visa bilan hamkorlikda bir qator innovatsion to‘lov xizmatlarini ishga tushirmoqda

FAW Trucks: O‘zbekistonda yangi davrni boshlagan yetakchi yuk mashinalari ishlab chiqaruvchisi

Fermerlar va dehqonlar uchun qulay imkoniyat – “O‘zkimyosanoat” AJ mineral o‘g‘itlarga 10 foizgacha chegirma narxlarini taklif etmoqda 

Toshkent Kimyo xalqaro universiteti va Pukyong milliy universiteti o‘rtasidagi ilmiy va madaniy hamkorlik rivojlanmoqda

Golden House  biznes-klassdagi O‘z Makon II turar joy majmuasi taqdimotiga taklif etadi