8 tonna suyultirilgan gazni sotuvga noqonuniy chiqarish holati aniqlandi

“O‘zenergoinspeksiya” xabariga ko‘ra, inspeksiya Andijon viloyat hududiy boshqarmasi, viloyat IIB korrupsiya va iqtisodiy jinoyatlarga qarshi kurashish bo‘limi bilan hamkorlikda o‘tkazilgan nazorat tadbirida neft mahsulotlarini yetkazib berish va ularni sotuvga chiqarilishi bo‘yicha noqonuniy holat aniqlandi.

“Hududgaz Andijon” GTFga qarashli gaz to‘ldirish shoxobchasidan tijorat maqsadida 8,1 tonna suyultirilgan gaz yuk mashinasiga yuklatilib, Shahrixon tumani, “Qo‘rg‘oncha” MFYdan o‘tgan Andijon—Toshkent katta avtomobil yo‘lida ashyoviy dalillar bilan qo‘lga olindi.

Hozirda mazkur holat yuzasidan tegishli tartibda hujjatlar rasmiylashtirilib, huquqni muhofaza qilish organlari tomonidan tergovga qadar tekshiruv ishlari olib borilmoqda.