Toshkentda arzonlashtirilgan mahsulotlar savdosi boshlandi

Mustaqillik bayrami arafasida aholiga qulaylik yaratish maqsadida Toshkent shahridagi dehqon bozorlarida arzonlashtirilgan mahsulotlar savdosi boshlandi.

Foto: Videodan kadr

Mazkur rastalarda mahalliy ishlab chiqaruvchilardan tashqari Belarus, Pokiston, Mongoliya va Hindistondan keltirilgan mol hamda qo‘y go‘shtining turli navlari, shuningdek, viloyatlardan olib kelingan meva, sabzavot va oziq-ovqat mahsulotlari keng tanlovda taqdim etilmoqda.

Go‘sht narxlari 65 ming so‘mdan 90 ming so‘mgacha belgilangan.

Ushbu tashabbus aholining kundalik ehtiyojlarini qondirish, bozor narxlarini barqarorlashtirishga qaratilgan.