Rubio Ukrainani Yevropa tashqi ishlar vazirlari va Sibiga bilan muhokama qildi

AQSh Kiyev va Yevropa davlatlari bilan muzokaralar orqali erishilgan barqaror tinchlik yo‘li bilan Ukrainadagi urushni tugatishga qaratilgan diplomatik sa’y-harakatlar sohasida hamkorlikni davom ettirish niyatida. Bu haqda AQSh Davlat departamentining 25 avgust, dushanba kuni AQSh davlat kotibi Marko Rubio, Yevropa Ittifoqining tashqi ishlar va xavfsizlik siyosati bo‘yicha oliy vakili Kaya Kallas, Yevropaning bir qator davlatlari tashqi ishlar vazirlari va Ukraina tashqi ishlar vaziri Andrey Sibiga o‘rtasidagi telefon suhbatidan so‘ng tarqatgan bayonotida aytiladi.

Bayonotda keltirilishicha, suhbatda Germaniya tashqi ishlar vaziri Yoxann Vadeful hamda Finlandiya, Fransiya, Italiya, Polsha va Buyuk Britaniya tashqi ishlar vazirlari: Elina Valtonen, Jan-Noel Barro, Antonio Tayani, Radoslav Sikorskiy va Devid Lemmi ishtirok etdi.

Andriy Sibiganing so‘zlariga ko‘ra, «suhbat uchun davlatlar rahbarlari o‘rtasidagi oldingi aloqalar, Ukraina prezidenti Volodimir Zelenskiyning Vashingtonga muvaffaqiyatli tashrifi, shuningdek, milliy xavfsizlik bo‘yicha maslahatchilarning ishi asos bo‘lgan».