“Tashabbusli budjet”da ovoz berish yakunlandi 

Iqtisodiyot va moliya vazirligi g‘olib loyihalar yaqin soatlarda e’lon qilinishini bildirdi.

“Tashabbusli budjet”ning 2025 yilgi 2-mavsumi 1-bosqichi 15 iyuldan 3 avgustgacha o‘tkazildi. Bunda loyihalar ro‘yxatga olindi.

So‘ngra 4 avgustdan 18 avgustgacha saralash bosqichi bo‘lib o‘tdi. 19 avgustdan 21 avgustgacha targ‘ibot bosqichi o‘tkazilgan bo‘lsa, 22 avgustdan 31 avgustga qadar loyihalarga ovoz berildi.

Ovoz berish jarayoni yakunlariga ko‘ra, 3,2 trln so‘mlik 2 332 ta loyiha g‘olib deb topildi. 

 G‘olib bo‘lgan loyihalar bilan shu yerda (https://openbudget.uz/boards/initiatives/initiative/52) tanishish mumkin.