Norvegiyaga O‘zbekistondan ekologik toza mahsulotlar yetkazib berish yo‘lga qo‘yildi

Norvegiyaning Drammen shahridagi Internasjonalt Matsenter savdo markazida ilk bor "O‘zbekiston mahsulotlari" ixtisoslashtirilgan burchagi ochildi.

Foto: Dunyo

O‘zbekiston elchixonasi ma’lumotiga ko‘ra, burchak Norvegiyaning Merjem, Internashonalt mast va boshqa savdo korxonalari bilan hamkorlikda tashabbuskor hamyurtlar ishtirokida tashkil etildi.

Unda mamlakatda ishlab chiqarilayotgan ekologik toza meva-sabzavotlar, quritilgan mevalar, poliz mahsulotlari, tabiiy sharbatlar, qadoqlangan tovarlar va boshqa milliy mahsulotlar xaridorlarga taklif etilmoqda.

Mahsulotlar Quva Agrostar va Norvegiyaning Exotik fruit As eksport qiluvchi kompaniyalari o‘rtasida tuzilgan shartnoma asosida yetkazib berildi.

Mutaxassislarning fikricha, bu tashabbus O‘zbekiston mahsulotlarini Yevropa bozorida keng targ‘ib qilish va doimiy savdo sherikligini yo‘lga qo‘yishga xizmat qiladi.