BMTning vazifasini AQSh bajarmoqda – Tramp

AQSh prezidenti BMTni dunyoda tinchlik o‘rnatishda faollik ko‘rsatishga chaqirdi.

Foto: AP Photo / Alex Brandon

Birlashgan Millatlar Tashkiloti Ukraina mojarosini hal qilishda deyarli qatnashmayapti, dedi AQSh prezidenti Donald Tramp.

"BMT hozirda Rossiya va Ukraina orasida sodir bo‘layotgan falokatni bartaraf qilishga juda kam hissa qo‘shdi", — deb yozdi Truth Social ijtimoiy tarmog‘ida.

Amerika yetakchisining so‘zlariga ko‘ra, tinchlik o‘rnatish borasida mazkur butunjahon tashkilotining vazifasini AQSh bajarmoqda.

"Oxirgi 11 oy ichida men to‘xtatgan sakkizta urush va nizolar bois ehtimol AQSh haqiqiy Birlashgan Millatlar Tashkilotiga aylandi. BMT butun dunyoda tinchlik o‘rnatishda faol bo‘lishi kerak", - deya qo‘shimcha qildi u.

28 dekabr kuni Tramp Floridada Ukraina prezidenti Volodimir Zelenskiy bilan uchrashadi.