Shavkat Mirziyoyev Qozog‘istonga boradi

“11 oktabr kuni davlat rahbari mamlakatimizga tashrif bilan kelgan Tatariston Respublikasi rahbari Rustam Minnixanovni qabul qiladi. Unda hududlararo hamkorlikni yangi mazmun va aniq loyihalar bilan yanada rivojlantirish hamda amalga oshirilayotgan hamkorlikdagi qo‘shma dasturlarni yanada jadallashtirish masalalarining muhokamasi ko‘zda tutilgan.

Shuningdek, 12-14 oktabr kunlari prezidentimiz Osiyoda hamkorlik va o‘zaro ishonch choralari bo‘yicha kengash yig‘ilishi, Mustaqil Davlatlar Hamdo‘stligi Davlat rahbarlari kengashining navbatdagi majlisi hamda “Markaziy Osiyo – Rossiya” sammitida ishtirok etish uchun Qozog‘iston Respublikasiga tashrif buyuradi.

Tashrif kun tartibida xorijiy davlatlar, shu jumladan, Vetnam vitse-prezidenti Vo Txi An Suan, Pokiston bosh vaziri Shahboz Sharif va bir qator xalqaro tashkilotlar rahbarlari bilan ikki tomonlama uchrashuvlar o‘tkazish ham ko‘zda tutilgan. 

Bundan tashqari hafta davomida prezidentning mamlakatimiz iqtisodiy va ijtimoiy rivojiga bag‘ishlangan qator muhokamalarni o‘tkazishlari rejalashtirilgan”, – deya ma’lumot berdi Sherzod Asadov OAV vakillari bilan o‘tkazilgan brifing chog‘ida.