Italiyada narxi 3 mln yevro bo‘lgan «Stradivari skripkasi»ning egasi qidirilmoqda

Italiyada go‘yoki XVIII asrda Antonio Stradivari tomonidan tayyorlangan skripka egasi qidirilmoqda. Bu haqda «Pais» mahalliy gazetasi xabar berdi.

Ba'zi mutaxassislar fikriga ko‘ra, musiqa asbobining qiymati 3 million yevroga baholanmoqda. Shu bilan birga, ikki ekspertning ma'lum qilishicha, skripka XVIII yoki XIX asr soxta namunasidir.

Qayd etilishicha, asbob 2007 yilda maxsus operatsiya davomida huquqni muhofaza qilish organlari tomonidan musodara qilingan. Aniqlik kiritilishicha, asli kelib chiqishi ruminiyalik bo‘lgan shaxslar skripkani Andalusiyaga jo‘natib yuborishga urinishgan.

Ta'kidlanishicha, ayni paytda skripka rasmiylar tomonidan musodara etilgan san'at asarlari ro‘yxati e'lon qilinadigan saytda asl nusxa, deb belgilangan.