O‘zbekiston va Ozarboyjon harbiy hamkorlikni kengaytiradi

Uchrashuv davomida ikki davlat mudofaa vazirlari harbiy hamkorlikni kengaytirish, qo‘shma tayyorgarlik tizimini takomillashtirish, tajriba va amaliy bilim almashuvini yo‘lga qo‘yish, shuningdek mamlakatlararo harbiy va harbiy-texnik hamkorlikni rivojlantirish, xalqaro terrorizmga qarshi kurashishda o‘zaro hamjihatlikni kuchaytirish masalalarini muhokama qilishdi.

Uchrashuvning asosiy maqsadi tinchlik, birlik va barqaror taraqqiyotni ta’minlashga xizmat qiladigan amaliy hamkorlikni rivojlantirishdan iborat bo‘ldi.

Bugun, 21 oktyabr kuni Ozarboyjon mudofaa vaziri general-polkovnik Zakir Gasanov Markaziy Osiyo davlatlari mudofaa vazirlari bilan birgalikda Markaziy harbiy okrug «Kattaqo‘rg‘on» poligonida O‘zbekiston, Qozog‘iston, Tojikiston, Ozarboyjon va Qirg‘iziston Mudofaa vazirliklari bo‘linmalari ishtirokida o‘tkaziladigan «Birlik – 2025» mintaqaviy o‘quv mashg‘ulotlarini ham kuzatadi.