Xivada velosipedlar ijarasi xizmati tashkil etildi

Xorazm viloyatining Xiva shahrida faoliyat olib borayotgan sayyohlik tashkiloti “Gold Tour” MChJ tomonidan mahalliy va xorijiy sayyohlar o‘rtasida shahar bo‘ylab faol tarzda sayyohatlarini tashkil etishga xizmat qiladigan velosipedlar ijarasi xizmatini tashkil qildi.

Endilikda, mazkur xizmat turi orqali Xivaga tashrif buyurayotgan mehmonlar “Ichan qal'a” majmuasi bo‘ylab velosipedlarda sayr qilishlari va Xiva shahri jozibasini tomosha qilishlari mumkin.

Ushbu loyihaning muvaffaqiyatidan ruhlangan tadbirkorlar velosipedlar sonini yana ko‘paytirish niyatida ekanliklarini bildirishgan.