Fuqarolar tug‘ilganlik haqida ma’lumotnomani tug‘uruqxonaning o‘zida oladigan bo‘ladi

Adliya vaziri o‘rinbosari Xudoyor Meliyevning so‘zlariga ko‘ra, bunda fuqarolar tug‘ilganlik haqida guvohnoma olish uchun FHDYo bo‘limiga kelmaydi. Balki, tug‘uruqxona tomonidan bolaning tug‘ilganligi qayd qilinganligi haqida QR-kodli ma’lumotnoma beriladi va bu rasmiy hujjat hisoblanadi.

Tug‘ilishi qayd etilmagan va tug‘ilganligi haqida tibbiy ma’lumotnomasi bo‘lmagan shaxslarning tug‘ilganligini soddalashtirilgan tartibda qayd qilish bo‘yicha bir martalik aksiya o‘tkaziladi.

Aksiya doirasida fuqarolarning tug‘ilganligini qayd etish soddalashtirilgan tartibda turli imtiyozlar berilgan holda qayd etiladi.