Avdiyivkada ishlayotgan sapyorlar va Nikopol o‘qqa tutilishi oqibatlari. Urush suratlari

Ukrainada urushning 743-kuni o‘tdi.

Nikopol o‘qqa tutilishi oqibatlari

Rossiya kuchlari 6 mart kuni Dnipropetrovsk oblastining Nikopol shahrini ikki bor o‘qqa tutdi: artilleriya zarbalari berildi va shahar bo‘ylab ikkita dron uchirildi. Otishma oqibatida shahardagi savdo markazida yong‘in kelib chiqdi, uni o‘chirishga besh soat vaqt sarflandi. Hujumlardan biri vaqtida 75 yoshli ayol jarohatlangan, deb xabar bergan Dnipropetrovsk oblasti kengashi raisi Mikola Lukashuk. Zarbalar oqibatida oltita uy, uchta xo‘jalik binosi, avtomobil va elektr uzatish liniyasi shikastlangan. Shahar o‘qqa tutilishi 7 mart kuni va 8-martga o‘tar kechasi ham davom ettirildi. Bu zarbalar oqibatida yana 11 ta uy shikastlangan.