Futbol bo‘yicha 2026 yilgi jahon chempionati Yevropa va Osiyodan tashqarida o‘tkaziladigan bo‘ldi

FIFAning Tsyurixda bo‘lib o‘tgan yig‘ilishida 2026 yilgi jahon chempionatini o‘tkazish uchun arizalarni qabul qilish tamoyili ma'qullandi. 

2026 yilgi jahon chempionatini o‘tkazish uchun arizalar 2018 va 2022 yilgi jahon chempionatlarini qabul qilayotgan futbol federatsiyalari (UYeFA va OFK) tarkibiga kirmaydigan davlatlardan qabul qilinadi. 

Yevropa davlatlari agar boshqa qit'adagi da'vogarlar texnik yoki moliyaviy talablarga javob bermasagina jahon chempionatini o‘tkazishga umid qilishlari mumkin, deb ma'lum qilindi FIFA rasmiy saytida.    

Shu bilan birga bir nechta davlatlar jahon chempionatini birgalikda o‘tkazishiga hech qanday cheklovlar yo‘q. 

2026 yilgi mundialni o‘tkazishga asosiy da'vogar AQSh hisoblanadi.