Iyul havosi turlicha bo‘ladi: ob-havo prognozi

Iyulning ilk kunlari o‘ta issiq bo‘lishi, keyin salqin havo oqimi kirib kelishi kutilmoqda. Oyning ikkinchi yarmidan havo oqimlari jazirama issiqliklarni mintaqaga olib kelishi ehtimoli bor. Kun.uz'da ob-havo prognozi bilan – iqlimshunos Erkin Abdulahatov.

{Yii::t(}

O'tkazib yuborish 6s

O'tkazib yuborish

Joriy yilning 24 iyun kuni respublikaning juda katta qismida mavsum uchun ilk eng issiq harorat kuzatildi. Xususan, Termizda +43,9 daraja issiq, Buxoro, Qashqadaryo, Navoiy viloyatining ko‘plab stansiyalarida bu kuni +43 darajadan yuqori harorat ro‘yxatga olindi. Aynan shu kuni Qoraqalpog‘istonning ko‘plab stansiyalarida harorat maksimumi +30 darajaga ham yetmadi. Mazkur salqin havoning kirib kelayotgani 3-4 kunligimizning ob-havosini belgilaydi. 26-28 iyun kunlarida qishloq xo‘jaligi maydonlari jazirama havo hovuridan tushganini his etadi.

Iyul oyining birinchi yarmida yuz beradigan nisbatan salqinlik oyning ob-havosi me’yoriy bo‘lishini, faqat va ayrim hududlarda ko‘p yillik me’yordan 1-2 daraja yuqori kelishini ta’minlaydi. Bug‘doydan bo‘shagan yer maydonlarida ikkinchi ekinni ekishda ayrim hudud fermer va dehqonlari kuz kutilmalarini – oktyabr oyida ekinlarni sovuq urishi mumkin bo‘lgan sovuq havo oqimlari shakllanishiga moyillik borligini e’tiborga olib, ekin turlarini tanlashlari maqsadga muvofiq bo‘ladi.